Azərbaycan, Bakı, 9 aprel /Trend, müxbir H.Vəliyev/
Azərbaycan Təhsil Nazirliyi respublikanın orta təhsil müəssisələrində elektron ərizə qəbulunun təşkili ilə məşğul olacaq. Bu barədə bazar ertəsi Trend-ə nazirlikdən bildiriblər.
Nazirliyin məlumatına görə, orta məktəblərdə elektron ərizələr avqustdan etibarən qəbul ediləcək. Xidmətdən nazirliyin internet səhifəsində istifadə etmək mümkün olacaq. Burada ərizənin elektron formasını əldə etmək mümkün olacaq. Nazirliyin saytında orta məktəblərə qəbul qaydaları da yerləşdiriləcək.
Elektron formada, həmçinin uşaq bağçalarına qəbul da təşkil ediləcək.
Elektron ərizələr vasitəsilə uşaqların bu müəssisələrə qəbulu Nazirlər Kabineti tərəfindən təhsil sahəsində elektron xidmət növü kimi təsdiq edilib.
