Azərbaycan, Bakı, 21 aprel / Trend müxbir T. Cəfərov/
İranda yeniyetmə haker banklardan külli miqdarda pul mənimsəyib.
İranın Fars əyalətinin kəndlərinin birində yaşayan yeniyetmə haker, milyonlarla məbləğdə pulu internet vasitəsi ilə banklardan mənimsədiyinə görə həbs olunub. Trend-in məlumatına görə, bu barədə İranın "Hamshahrionline" qəzeti məlumat verir.
Məlumata əsasən, həbs olmuş yeniyetmə bildirib ki, 4 yaşından kompüterə marağı olub və onu işlətməyi öyrənib. O bildirib ki, üç il öncə haker proqramlarına marağı artıb. İlk dəfə qohumlardan birinin bank hesabının kodunu əldə edib, daha sonra isə ayrı-ayrı şəxslərin bank hesablarının kodunu əldə edərək onlara məxsus pulu mənimsəyib.
Yeniyetmə haker öz gündəlik təlabatını, paltarlarını və ehtiyacı olduğu digər əşyaları internet vasitəsilə sifariş edərək pulunu ayrı-ayrı vətəndaşların bank hesabına girməklə ödəyib.
Faktla bağlı cinayət işi açılıb. Mənimsənilmiş pul vəsaitləri müştərilərin hesablarına geri qaytarılıb. Hadisə ilə bağlı araşdırma davam etdirilir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
