Azərbaycan, Bakı, 25 iyun /Trend, müxbir M.Əliyev/
Bakı şəhər sakininin Bakı şəhəri Mənzil-Kommunal Təsərrüfatı Departamentinin 18 saylı Mənzil-Kommunal İstismar Sahəsinin mühəndisi Quliyev Səməd Dadaş oğlunun ondan yaşadığı evin özəlləşdirilməsi üçün tələb olunan sənədlərin verilməsinə görə rüşvət tələb etməsi barədə Baş prokuror yanında Korrupsiyaya qarşı mübarizə idarəsinə daxil olmuş müraciəti araşdırılıb.
Trend-in Baş Prokurorluğun rəsmi saytına istinadən verdiyi məlumata görə, müəyyən edilib ki, Quliyev ona müraciət etmiş Bakı şəhər sakinindən yaşadığı evin özəlləşdirilməsi məqsədi ilə Əmlak Məsələləri Dövlət Komitəsinin yanında Daşınmaz Əmlakın Dövlət Reyesteri Xidmətinə təqdim edilməsi üçün tələb olunan yaşayış evinin plan ölçüsü və 2 saylı formanın verilməsindən ötrü 1000 manat pul tələb edib. Həyata keçirilmiş əməliyyat tədbirləri nəticəsində Quliyev iyunun 21-də xidməti otağında 500 manat pulu vətəndaşdan rüşvət kimi alarkən cinayət başında yaxalanıb. Həmin pullar hal şahidlərinin iştirakı ilə götürülərək rəsmiləşdirilib.
Fakta görə Quliyev barəsində Cinayət Məcəlləsinin 311.1-ci (rüşvət alma) maddəsi ilə cinayət işi başlanıb. Quliyev təqsirləndirilən şəxs qismində cəlb edilərək ona həmin maddə ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.
Hazırda iş üzrə istintaq davam etdirilir.
Bakıda Mənzil-Kommunal İstismar Sahəsinin əməkdaşı cinayət başında yaxalanıb
Bakı şəhər sakininin Bakı şəhəri Mənzil-Kommunal Təsərrüfatı Departamentinin 18 saylı Mənzil-Kommunal İstismar Sahəsinin mühəndisi Quliyev Səməd Dadaş oğlunun ondan yaşadığı evin özəlləşdirilməsi üçün tələb olunan sənədlərin verilməsinə görə rüşvət tələb etməsi barədə Baş prokuror yanında Korrupsiyaya qarşı mübarizə idarəsinə daxil olmuş müraciəti araşdırılıb
