Azərbaycan, Bakı, 30 iyul /Trend, müxbir M.Əliyev/
Azərbaycanda 2012-2013-cü tədris ili üzrə 174 nəfər fizika və 133 nəfər informatika müəllimi ümumi təhsil müəssisələri və peşə liseylərindəki vakant yerlərə işə qəbul olunub.
Təhsil Nazirliyinin mətbuat xidmətindən Trend-ə verilən məlumata görə, bu, 26-27 iyul tarixlərində keçirilmiş imtahanların nəticələrinə əsasən müəyyənləşdirilib.
Qeyd edək ki, bu gün biologiya fənni üzrə müəllim işləmək üçün iddialı olanlar imtahan verir. Həmin fənn üzrə 346 vakant yer uğrunda 726 nəfər mübarizə aparır.