Azərbaycan, Bakı, 23 sentyabr /Trend, müxbir İ.İsabalayeva/
Azərbaycan ərazisində həftənin ilk iş günü hava küləkli və yağmurlu keçəcək.
Ekologiya və Təbii Sərvətlər Nazirliyinin Milli Hidrometeorologiya Departamentindən bazar günü Trend-ə bildiriblər ki, Bakı və Abşeron yarımadasında havanın temperaturu gündüz 22-24 dərəcə təşkil edəcək. Güclü şimal küləyi əsəcək, kürəyin gücü arabir saniyədə 15-20 metrə çatacaq.
Havanın kəskin pisləşməsi şimal-qərbdən, yəni Qara dəniz rayonlarında və Rusiyanın cənubunda izlənən soyuq atmosfer cəbhəsi Azərbaycan ərazisinə keçməsidir.
Dəyişkən hava şəraiti sentyabrın 25-nə qədər davam edəcək.
Azərbaycanın rayonlarında yağmurlu hava şəraiti hökm sürəcək, bəzi yerlərdə leysan xarakterli olacaq. Havanın temperaturu bəzi yerlərdə 8-10 dərəcə enəcək.