Azərbaycan, Bakı, 1 noyabr /Trend, müxbir K.Zərbalıyeva/
Bakıda daha bir avtomobil yolu genişləndirilir.
"Azəryolservis" ASC-nin mətbuat xidmətinin rəhbəri Pünhan Mürsəliyev Trend-ə bildirib ki, ölkə başçısının imzaladığı "Bakı şəhərinin və onun qəsəbələrinin sosial iqtisadi inkişafına dair əlavə tədbirlər haqqında" sərəncama uyğun olaraq, Zabrat-Maştağa-Buzovna yolunun yenidən qurulması işlərinə başlanılıb.
Yolun ümumi uzunluğu 14 km olacaq. Yolun Zabratdan Maştağaya qədər olan 5 km hissəsi 6 zolaqlı, Maştağadan Buzovnaya qədər olan 9 km hissəsi 4 zolaqlı olacaq.
Hazırda yolun torpaq yatağının tikintisi işləri davam etdirilir.