Azərbaycan, Bakı, 25 dekabr /Trend, müxbir İ.İzzət/
2012-ci il ərzində Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasına 735 layihə daxil olub və bunlardan 348 layihəyə 2 milyon 31 min manat vəsait ayrılıb. Trend-in məlumatına görə, bunu Şuranın sədri, millət vəkili Azay Quliyev 2012-ci ilin yekunlarına dair keçirilən hesabat konfransında bildirib.
Quliyev qeyd edib ki, Şura ölkə QHT-lərinin inkişafı üzrə Milli Fəaliyyət Proqramının hazırlanması üçün təcrübəli QHT eskpertlərindən ibarət işçi qrupu yaradıb. "Sosial sifariş", "İctimai iştirakçılıq" və "Peşə birlikləri" haqqında qanun layihələri hazırlanaraq Milli Məclisə təqdim edilib.