Azərbaycan, Bakı, 3 may /Trend/
Heydər Əliyev Mərkəzi Azərbaycan xalqının ümummilli lideri Heydər Əliyevin 90 illik yubileyi ərəfəsində ulu öndərə həsr olunan fotosərgilər və konfranslar təşkil edir.
Mərkəzdən Trend-ə bildiriblər ki, Heydər Əliyev irsinin yaşadılması və ölkədən kənarda təbliğ olunması baxımından önəm kəsb edən bu fotosərgilərdə ümummilli liderin həyatı və siyasi fəaliyyətinin müxtəlif dönəmləri öz əksini tapıb.
"Həyatdan 90 fraqment" adlı sərgilər mayın 5-dən etibarən Belarusda və Macarıstanda, mayın 7-dən isə Rumıniyada nümayiş olunacaq.
Mayın 7-də Azərbaycanın Rumıniyadakı səfirliyi, Heydər Əliyev Fondunun Rumıniyadakı nümayəndəliyi və Heydər Əliyev Mərkəzinin təşkil etdiyi konfrans çərçivəsində keçiriləcək sərgidə Rumıniyanın ictimai-siyasi xadimləri, xarici ölkələrin diplomatik korpusunun nümayəndələrinin iştirakı və çıxışları nəzərdə tutulub.
Xarici ölkələrdə ümummilli lider Heydər Əliyevə həsr olunan fotosərgilər təşkil edilib
Heydər Əliyev Mərkəzi Azərbaycan xalqının ümummilli lideri Heydər Əliyevin 90 illik yubileyi ərəfəsində ulu öndərə həsr olunan fotosərgilər və konfranslar təşkil edir.
