Azərbaycan, Bakı, 10 may /Trend, müxbir İ.İzzət/
Bu ilin ilk dörd ayında Azərbaycanın avtomobil yollarında 904 yol-nəqliyyat hadisəsi (339 ölüm, 983 xəsarət) baş verib. Bu barədə Trend-ə Daxili İşlər Nazirliyinin Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev bildirib.
Şöbə rəisinin sözlərinə görə, sərxoş sürücülər tərəfindən 25 yol-nəqliyyat hadisəsi törədilib ki, nəticədə 14 nəfər ölüb, 32 nəfər xəsarət alıb.
Əliyev qeyd edib ki, 2012-ci ilin müvafiq dövrü ilə müqayisədə bu il Azərbaycanda yol qəzalarının sayı artıb. Belə ki, yol-nəqliyyat hadisələri 20%, ölüm halları 56%, xəsaət alanların sayı isə 16% artıb.