Azərbaycan, Bakı, 15 iyul /Trend, müxbir A.Tağıyeva/
Türkiyədə türk-erməni münasibətləri tarixinə dair işlərin məcmuəsi nəşr ediləcək. Trend-in "Anadolu" agentliyinə istinadən verdiyi məlumata görə, bu barədə Türkiyə Tarix Qurumunun prezidenti Mehmet Metin Hülagü bildirib.
Onun sözlərinə görə, Türkiyə-Ermənistan münasibətlərinə həsr olunan məcmuəyə bir çox tarixçilərin həm daha əvvəl, həm də müasir dövrdə gördüyü işlər daxil ediləcək.
Hülagü bildirib: "Bu nəşrin köməyi ilə 1915-ci il hadisələri də daxil olmaqla bir çox tarixi hadisələrə aydınlıq gətiriləcək. Məcmuənin nəşr olunması ilə bağlı işlər gələn il başa çatacaq".