Azərbaycan, Bakı, 28 sentyabr /Trend, müxbir M.Əliyev/
İstirahət günü Azərbaycanda qeyri-sabit hava şəraiti hökm sürəcək.
Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə bildiriblər ki, sentyabrın 29-da Bakı və Abşeron yarımadasında buludlu hava şəraitinin üstünlük təşkil edəcəyi, əsasən, səhər və axşam bəzi yerlərdə yağış yağacağı gözlənilir. Şimal-qərb küləyinin sürəti 15-20 m/s olacaq, axşam 9-14 m/s-dək mülayimləşəcək.
Bakı və Abşeron yarımadasında havanın temperaturunun gecə 14-17°, gündüz 17-22° isti olacağı gözlənilir.
Azərbaycanın bəzi yerlərində sentyabrın 29-da şimşək çaxacağı, arabir yağiş yağacağı gözlənilir. Ayrı-ayrı yerlərdə leysan xarakterli intensiv olacağı ehtimalı var. Qərb küləyinin sürəti 5-10 m/s olacaq. Aran rayonlarında havanın temperaturunun gecə 6-11°, gündüz 15-20° isti olacağı gözlənilir. Dağlarda gecə 5-10°, gündüz 12-16° isti olacaq.
Yaxın bir neçə gün ərzində Azərbaycan ərazisində qeyri-sabit hava şəraitinin davam edəcəyi gözlənilir.