Azərbaycan, Bakı, 3 may /Trend/
Ədliyyə Nazirliyinin Penitensiar xidmət əməkdaşlarının peşə hazırlıqlarının təmin olunması, müəyyən olunmuş normativlərə riayət etmələrinə nəzarətin gücləndirilməsi məqsədilə mütəmadi olaraq fiziki və sıra hazırlığı ilə yanaşı atəş hazırlığı üzrə də məşğələlər keçirilir.
Penitensiar xidmətin İctimaiyyətlə əlaqələr şöbəsindən Trend-ə verilən məlumata görə, bu gün Penitensiar xidmətinin Mühafizə Alayı mütəxəssislərinin iştirakı ilə Baş idarə əməkdaşlarının atəş hazırlığı üzrə məşğələsi keçirilib.
İlk dəfə olaraq avtomat silahdan atəş hazırlığına həsr olunan məşğələ təhlükəsizlik qaydalarına ciddi əməl olunmaqla müvəffəqiyyətlə başa çatdırılıb.
