...

Bakının İnşaatçılar prospektində hərəkət məhdudlaşdırılacaq

Cəmiyyət Materials 15 May 2014 10:45 (UTC +04:00)
Bakının İnşaatçılar prospektində nəqliyyatın hərəkəti məhdudlaşdırılacaq.
Bakının İnşaatçılar prospektində hərəkət məhdudlaşdırılacaq

Trend-i buradan izləyin

Azərbaycan, Bakı, 15 may /Trend, müxbir İ.İzzət/

Bakının İnşaatçılar prospektində nəqliyyatın hərəkəti məhdudlaşdırılacaq. Bunu Trend-ə Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev deyib.

Onun sözlərinə görə, bu gün axşam saat 22:00-dan etibarən paytaxtın İnşaatçılar prospektinin A.Bakıxanovla İzmir küçələrinin kəsişməsindən Hüseyn Cavid prospektinə qədər olan hissəsinə qədər yolun hərəkət hissəsinin üfüqi nişanlanması işləri aparılacaq.

Bu səbəbdən adıçəkilən yolda avtomobillərin hərəkəti məhdudlaşdırılacaq.

Sürücülərə alternativ olaraq akademik Şəfayət Mehdiyev küçəsindən istifadə etmələri tövsiyə olunur.

Məqalədə:
Xəbər lenti

Xəbər lenti