...

Səhiyyə naziri: İndi xəstələr yalnız ciddi zərurət yarandıqda Bakıya gətirilir

Cəmiyyət Materials 10 İyul 2014 11:02
Azərbvaycanda vaxtilə hansısa ciddi problemi olan ağır xəstənin rayonlarda müalicəsindən söhbət gedə bilməzdi. Həmin şəxslər mütləq paytaxta gətirilirdi.
Səhiyyə naziri: İndi xəstələr yalnız ciddi zərurət yarandıqda Bakıya gətirilir

Trend-i buradan izləyin

Azərbaycan, Bakı, 10 iyul /Trend, müxbir İlhamə İsabalayeva/

Azərbaycanda vaxtilə hansısa ciddi problemi olan ağır xəstənin rayonlarda müalicəsindən söhbət gedə bilməzdi. Həmin şəxslər mütləq paytaxta gətirilirdi. Ancaq indi xəstələr yalnız ciddi zərurət yaranan hallarda Bakıya gətirilir. Trend Səhiyyə Nazirliyinin rəsmi mətbu orqanı olan "Tibb" qəzetinə istinadən bildirir ki, bunu Azərbaycanın səhiyyə naziri Oqtay Şirəliyev kollegiya iclasında cıxışı zamanı deyib.

Nazir son bir ildə Bakı Sağlamlıq Mərkəzinin, Azərbaycan Tibb Universitetinin Tədris-Cərrahiyyə Klinikasının, Ağcabədi, Cəlilabad, Astara, Lənkəran və digər rayonlar­da xəstəxanaların istifadəyə verildiyini qeyd edib. Bu işlərin nəticəsində indi regionlarda ən mürəkkəb əməliyyatlar olunur, müasir müalicə üsulları tətbiq edilir.

O.Şirəliyevin sözlərinə görə, bu gün təmirdə olan və ya yaxın zamanda təmiri nəzərdə tutulan mərkəzi rayon xəstəxanalarının sayı barmaqla sayılacaq qədərdir. Bir-iki il ərzində onların təmiri və yeni xəstəxanaların tikintisi başa çatdırılacaq.

Nazir hesab edir ki, təcili tibbi yardım maşınları, sanitar aviasiya xidməti yüksək səviyyədə fəaliyyət göstərir.

Məqalədə:
Xəbər lenti

Xəbər lenti