...

Lənkəranda İran sərhədinə aparan yolun üzərində körpünün tikintisi başa çatmaq üzrədir

Cəmiyyət Materials 4 Sentyabr 2014 11:45 (UTC +04:00)
Ələt-Astara-İran İslam Respublikası ilə dövlət sərhədi avtomobil yolunun yeni trassa üzrə layihəsi çərçivəsində Lənkərançay üzərindəki körpünün tikintisi başa çatmaq üzrədir.
Lənkəranda İran sərhədinə aparan yolun üzərində körpünün tikintisi başa çatmaq üzrədir

Azərbaycan, Bakı, 4 sentyabr /Trend, müxbir İlkin İzzət/

Ələt-Astara-İran İslam Respublikası ilə dövlət sərhədi avtomobil yolunun yeni trassa üzrə layihəsi çərçivəsində Lənkərançay üzərindəki körpünün tikintisi başa çatmaq üzrədir. Bu barədə Trend-ə Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyev məlumat verib.

Onun sözlərinə görə, uzunluğu 205,5 m, eni 28,5 m olan körpü 6 aşırımdan ibarətdir: "Tikinti işləri zamanı əvvəlcədən gərginləşdirilmiş tirlərdən istifadə olunub. Layihə çərçivəsində suötürücü borular, uzunluğu 800 m olan yanaşma yollar, eləcə də alt hissədə müxtəlif kəndləri birləşdirmək məqsədilə yerli yollar inşa olunub. Layihəyə görə 4 hərəkət zolağı üçün nəzərdə tutulan körpüdə hazırda son tamamlama işləri həyata keçirilir".

Qeyd edək ki, yeni körpü başlanğıcını Masallı-Astara avtomobil yolunun 31+775-ci km-dən götürür, 31+972-ci km-də isə başa çatır.

Məqalədə:
Xəbər lenti

Xəbər lenti