...

Azərbaycanda bəzi ixtisaslara qəbul üçün vahid imtahan keçirilməsinin ilkin qaydaları açıqlandı

Cəmiyyət Materials 25 Noyabr 2014 13:41
Gələn ildən ali məktəblərin III və IV ixtisas qruplarında (IV qrupda idman ixtisasları) xüsusi qabiliyyət tələb edən ixtisaslar üzrə tələbə qəbulu buraxılış və qabiliyyət imtahanlarının nəticələri əsasında aparılacaq.
Azərbaycanda bəzi ixtisaslara qəbul üçün vahid imtahan keçirilməsinin ilkin qaydaları açıqlandı

Trend-i buradan izləyin

Azərbaycan, Bakı, 25 noyabr /Trend, müxbir İlhamə İsabalayeva/

Gələn ildən ali məktəblərin III və IV ixtisas qruplarında (IV qrupda idman ixtisasları) xüsusi qabiliyyət tələb edən ixtisaslar üzrə tələbə qəbulu buraxılış və qabiliyyət imtahanlarının nəticələri əsasında aparılacaq. Trend-in məlumatına görə, bunu Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında deyib.

Onun sözlərinə görə, gələn ildən ali məktəblərə qəbul qaydalarının liberallaşdırılması nəzərdə tutulur. Bu yenilik qəbul imtahanlarında iştirak edən abituriyentlərin daha ciddi hazırlaşmalarına imkan yaradacaq. Beləliklə, ali məktəblərın xüsusi qabiliyyət tələb edən ixtisaslarına qəbul olmaq arzusunda olan gənclər 3 fəndən - ana dili, riyaziyyat və xarici dildən imtahan verəcəklər. Onlara imtahan zamanı qeyd olunan 3 fənnin hər birindən 30 sual təqdim olunacaq.

M.Abbaszadə qeyd edib ki, əvvəlki illərin məzunları orta ixtisas təhsili müəssisələrinə qəbul olmaq istədikdə, onda bunu sənəd qəbulu zamanı öz ərizələrində qeyd etməlidirlər. Daha sonra isə onlar TQDK-nın eksternat imtahanlarında iştirak edəcəklər.

Məqalədə:
Xəbər lenti

Xəbər lenti