Təfərrüatlar əlavə olunub (ilk xəbər saat 08:57-də yayılıb)
Bakı. Trend:
Bakıda səhər saatlarından müşahidə olunan güclü dumana baxmayaraq Heydər Əliyev Beynəlxalq Aeroportunda təyyarələrin qəbulu və yola salınması cədvələ uyğun həyata keçirilir.
Bu barədə bazar günü Trend-ə aeroportdan bildirilib.
Məlumata görə, duman aeroportunun işinə təsir etməyib.
"Təyyarələrin qəbulu və yola salınmasında gecikmə müşahidə olunmur. Aeroport normal rejimdə işini davam etdirir", - deyə aeroportda bildiriblər.