Təfərrüatlar əlavə olunub (ilk xəbər saat 14:49-da yayılıb)
Bakı. Azad Həsənli - Trend:
Azərbaycanda orta məktəblərdə dərs buraxan şagirdlərin valideynləri 100 manat cərimələnəcək.
Trend-in məlumatına görə, bununla bağlı İnzibati Xətalar Məcəlləsinə müvafiq dəyişiklik bu gün Milli Məclis tərəfindən qəbul edilib.
Yeni dəyişikliyə əsasən, 1 ay ərzində 7 gündən artıq dərs buraxan şagirdin valideyni 100 manat həcmində cərimələnəcək.
Bununla belə, deputat Elmira Axundova məktəblərdə cərimələrin tətbiq edilməsini məqsədəuyğun hesab etməyib: "İlk növbədə, məktəblərdə şagirdlərin dərsləri buraxmasının səbəbləri ilə mübarizə aparmaq lazımdır. Cərimələrin tətbiq edilməsi çoxsaylı mənfi faktlara və məktəblərdə faktiki ticarətə səbəb ola bilər".