...

“Memarlıq və inşaat təhsilinin aktual problemləri” mövzusunda elmi-praktik konfrans keçirilib

Cəmiyyət Materials 15 Mart 2016 14:28 (UTC +04:00)
Bu gün Azərbaycan Memarlıq və İnşaat Universitetində Azərbaycanda memarlıq və inşaat ali təhsilinin 95, AzMİU-nun 40 illik yubileyinə həsr olunmuş "Memarlıq və inşaat təhsilinin aktual problemləri" mövzusunda elmi-praktik konfrans keçirilib.
“Memarlıq və inşaat təhsilinin aktual problemləri” mövzusunda elmi-praktik konfrans keçirilib

Bakı-Trend:

Bu gün Azərbaycan Memarlıq və İnşaat Universitetində Azərbaycanda memarlıq və inşaat ali təhsilinin 95, AzMİU-nun 40 illik yubileyinə həsr olunmuş "Memarlıq və inşaat təhsilinin aktual problemləri" mövzusunda elmi-praktik konfrans keçirilib. AzMİU-nun mətbuat xidmətindən Trend-ə bildiriblər ki, konfransı giriş sözüylə açan AzMİU-nun rektoru, memarlıq doktoru, professor, əməkdar memar Gülçöhrə Məmmədova açaraq bildirib ki, bu il Azərbaycanda memarlıq və inşaat təhsilinin 95, AzMİU-nun müstəqil ali təhsil ocağı kimi fəaliyyətə başlamasının 40 illiyi münasibətiylə geniş tədbirlər planı hazırlanıb, silsilə tədbirlərin, görüşlərin və layihələrin həyata keçirilməsi nəzərdə tutulub.

G.Məmmədova vurğulayıb ki, elmi-praktik konfransın keçirilməsində əsas məqsəd bir əsrə yaxın tarixi və tədris ənənələri olan memarlıq və inşaat təhsilinin bu günki səviyyəsi, inkişaf mərhələləri, müasir dövrün, qloballaşan dünyanın çağırışlarına cavab verən təhsilin inkişafı üzrə Dövlət Strategiyasının tələblərinə uyğun qurulması, onun qarşıya qoyduğu məsul və şərəfli vəzifələrin yerinə yetirilməsi istiqamətində aparılan araşdırmalara yeni töhfələr verməkdən ibarətdir. O, çıxışında günümüzə qədər böyük bir təkamül yolu keçən memarlıq və inşaat təhsilində əldə olunan uğurlardan, onun təkmilləşməsi istiqamətində aparılan islahatlardan, yeniliklərdən danışıb, rəhbərlik etdiyi təhsil müəssisəsinin beynəlxalq təhsil məkanına inteqrasiyası, universitetlər arasında əlaqələrin getdikcə genişlənməsi istiqamətində görülən işlərə toxunub.

Rektor çıxışında ölkəmizdə elmin inkişafı, elmi araşdırmaların aparılması üçün hər cür şərait yaradıldığını, bu sahəyə dövlət başçısı İlham Əliyev tərəfindən böyük diqqət və qayğı göstərildiyini, universitetin maddi-texniki bazasının gücləndirilməsi üçün ölkə prezidentinin mühüm sərəncamlar verdiyini qeyd edib. Konfransın qonaqları Təhsil Nazirliyinin nümayəndəsi Natiq Məmmədov təhsil naziri Mikayıl Cabbarovun təbrik məktubunu konfrans iştirakçılarına çatdırıb. Daha sonra Ekologiya və Təbii Sərvətlər nazirinin müavini Novruz Quliyev, Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyinin rəis müavini Elxan Əsədov konfrans iştirakçlarını yubiley münasibətiylə təbrik edərək uğurlar arzulayıblar. Onu da qeyd edək ki, konfransda Nazırlər Kabineti, Təhsi Nazirliyi, Ekologiya və Təbii Sərvətlər Nazirliyi, Fövqəladə Hallar Nazirliyi, Dövlət Tikinti və Arxitektura Komitəsi, AMEA-nın müvafiq elmi-tədqiqat institutları, ARDNŞ, Azərsu ASC, "Akkord" Şirkətlər Qrupundan və müxtəlif qurumlardan nümayəndələr iştirak edib, maraqlı çıxışlar səsləndiriblər.

Məqalədə:
Xəbər lenti

Xəbər lenti