Bakı. Elçin Mehdiyev – Trend:
Azərbaycan beynəlxalq yarışları heç bir problem yaşanmadan təşkil edir və iştirakçılar üçün hər cür şərait yaradır. Bunu Trend-ə Bakıda keçirilən Atıcılıq üzrə Avropa Çepmionatında iştirak edən Danimarka komandasının təmsilçisi Linda Andeşon deyib.
L.Andeşon bildirib ki, Bakı 2015 birinci Avropa Oyunlarında da Azərbaycana gəlib: “İlk dəfə Azərbaycana Avropa Oyunları zamanı gəlmişdim. Avropa Oyunları da çox yüksək səviyyədə təşkil olunmuşdu. Bu yarışma da lazımi qaydada təşkil olunub”.
L.Andeşon Azərbaycanı çox bəyəndiyini deyib. O qeyd edib ki, Bakı gözəl şəhərdir, insanları çox mehribandır.
Qeyd edək ki, bu gün Bakı Atıcılıq Mərkəzində keçirilən atıcılıq üzrə Avropa çempionatının səkkizinci günündə qrup yarışlarına start verilib. Azərbaycanın 7 idmançısı qrup yarışlarında mübarizəyə qoşulub.
