...

Səhiyyə Nazirliyi: “Gazelli”dəki yanğınla əlaqədar 10 nəfərə yardım göstərilib

Cəmiyyət Materials 19 Sentyabr 2017 17:40 (UTC +04:00)
“Gazelli” kosmetika zavodunun anbarında baş verən yanğınla əlaqədar 10 nəfərə hadisə yerində yardım göstərilib.
Səhiyyə Nazirliyi: “Gazelli”dəki yanğınla əlaqədar 10 nəfərə yardım göstərilib

Bakı. İlhamə İsabalayeva – Trend:

“Gazelli” kosmetika zavodunun anbarında baş verən yanğınla əlaqədar 10 nəfərə hadisə yerində yardım göstərilib.

Bunu Trend-ə Səhiyyə Nazirliyinin mətbuat xidmətinin əməkdaşı Səfayə Əhmədova deyib.

Onun sözlərinə görə, tüstüdən boğulan 10 nəfərə hadisə yerində ilkin tibbi yardım göstərilib. Onların xəstəxanaya yerləşdirilməsinə ehtiyac olmayıb.

Həmin şəxslərin 1-i qadın, 9-u kişi olub.

Qeyd edək ki, Bakıda "Gazelli" kosmetika zavodunda bu gün güclü yanğın baş verib. Yanğın Xəzər rayonunun Şüvəlan qəsəbəsində adıçəkilən zavodun anbarında baş verib. 1 saatdan çox davam edən yanğın söndürülüb.

Məqalədə:
Xəbər lenti

Xəbər lenti