Bakı. İlhamə İsabalayeva – Trend:
Azərbaycanın dövlət rəmzləri tədris materiallarında geniş şəkildə öz əksini tapır.
Trend-in məlumatına görə, bunu təhsil nazirinin müavini Firudin Qurbanov deyib.
O qeyd edib ki, "Həyat bilgisi", "Tarix" və "Ədəbiyyat" dərsliklərində dövlət rəmzləri ilə bağlı geniş məlumatlar verilir.
Nazir müavini əlavə edib ki, təhsilin bütün pillələrində, o cümlədən orta ixtisas və ali təhsil müəssisələrində dövlət rəmzlərinin tədrisinə xüsusi diqqət verilir: "Biz istəyirik ki, gənclər vətənpərvər ruhda tərbiyə olunsunlar. Bayrağımız dalğalananda onlar bunu qəlbləri ilə hiss etsinlər. Biz bunun üçün birgə çalışmalıyıq".