...

Nitq və eşitmə məhdudiyyətli qızlar üçün İKT təlimlərinə start verilib (FOTO)

Cəmiyyət Materials 7 Noyabr 2017 20:45 (UTC +04:00)
Layihənin məqsədi nitq və eşitmə imkanları məhdud şəxslərə İKT sahəsində təlimlərin keçirilməsidir.
Nitq və eşitmə məhdudiyyətli qızlar üçün İKT təlimlərinə start verilib (FOTO)

Bakı. Trend:

Azərbaycan Respublikası Prezidenti yanında Gənclər Fondunun maliyyə dəstəyi, “ASAN Könüllülər” Təşkilatı, E-hökumət Təlim-Tədris Mərkəzi, IT STEP akademiyası və “Femmes Digitales” - Azərbaycan Qadınlarının İKT klubunun təşkilatı dəstəyi ilə “Nitq və eşitmə məhdudiyyətli qızlar üçün İKT təlimləri” layihəsinə start verilib.

Trend-in məlumatına görə, Turanə Qasımovanın ideya müəllifi olduğu layihənin məqsədi nitq və eşitmə imkanları məhdud şəxslərə İKT sahəsində təlimlərin keçirilməsi, bu sahədə gələcəkdə peşakar səviyyədə çalışmaq istəyən şəxslərə dəstək olmaq və onların cəmiyyətə inteqrasiyasına nail olmaqdır.

Layihədə nitq və eşitmə imkanları məhdud 16-30 yaş arası İKT sahəsinə marağı və minimal bilikləri olan 20 gənc xanım iştirak edir.

12 təlimdən ibarət olacaq layihədə gənclərə kompüter bilikləri haqqında ümumi məlumat, ofis proqramları, qrafik dizayn, kodlaşdırma, kibertəhlükəsizlik, robot texnologiyası, e-hökumət və s. təlimlər keçiriləcək.

Layihənin sonunda tədris proqramını uğurla bitirən gənclər sertifikatla təltif olunacaq. Eyni zamanda, təlimlər bitdikdən sonra müəyyən tapşırıqlar əsasında iştirakçıların qiymətləndirilməsi aparılacaq və ən yaxşı nəticə göstərən qızlar müxtəlif şirkətlər tərəfindən iki aylıq təcrübə proqramına cəlb olunacaqlar.

Məqalədə:
Xəbər lenti

Xəbər lenti