Bakı. İlhamə İsabalayeva - Trend:
Dövlət İmtahan Mərkəzi (DİM) tərəfindən vakant dövlət qulluğu vəzifələrinin tutulması üçün dekabrın 15-də elan edilmiş ümumi müsahibədə iştirak etmək üçün 62 namizəd müraciət edib.
Bu barədə Trend-ə Mərkəzdən məlumat verilib.
Ümumi müsahibə – vakant vəzifənin həmin dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluçuları, habelə azı 5 il qulluq stajı olan və dövlət orqanında inzibati vəzifələrdə çalışmış şəxslər tərəfindən tutulması məqsədilə keçirilən müsahibədir.