...

“Grand Hospital” 5 aylıq körpə üzərində ağır əməliyyat apararaq həyatını xilas edib (VİDEO)

Cəmiyyət Materials 1 Mart 2018 14:49
Ay ərzində saysız-hesabsız uğurlu əməliyyatlar icra edən “Grand Hospital” daha bir insan həyatını qurtarıb.
“Grand Hospital” 5 aylıq körpə üzərində ağır əməliyyat apararaq həyatını xilas edib (VİDEO)

Trend-i buradan izləyin

Bakı. Trend:

Ay ərzində saysız-hesabsız uğurlu əməliyyatlar icra edən “Grand Hospital” daha bir insan həyatını qurtarıb.

Klinikadan Trend-ə verilən məlumata görə, xəstəxananın uşaq cərrahı, tibb elmləri üzrə fəlsəfə doktoru Toğrul Ömərov 5 aylıq körpənin ağciyərindən emfizema xaric edib.

Həkimin sözlərinə görə, körpənin ağciyəri anadangəlmə qüsurlu olub:

“Yəni ağciyərin sol yuxarı payının alveollar arası arakəsmənin dağılması və ağciyərin həmin payının həddindən çox şişməsi var idi. Emfizema böyük olduğuna görə ürəyi, sol ağciyərin aşağı payını və sağ ağciyəri çox sıxaraq uşaqda tənəfüs çatışmazlığı yaratmışdı. Beş aydır körpə bu vəziyyətdə yaşayır. Pasient xəstəxanaya yerləşdirildikdən sonra hazırlanaraq planlı əməliyyata alındı və Torokotomiya olunaraq sol ağciyərin emfizema olan yuxarı payı rezeksiya olundu. Əməliyyat uğurlu başa çatdı”.

Cərrahi əməliyyat peşəkar anestezioloji komandanın dəstəyi ilə icra edilib.

Məlumat üçün bildirək ki, "Grand Hospital" 12 mərtəbədən ibarət korpusa malik, ölkənin ən böyük özəl tibb mərkəzi olaraq, sağlam işçi heyəti, müasir avadanlıqları ilə tibbin bir çox sahələri üzrə fəaliyyət göstərir.

Məqalədə:
Xəbər lenti

Xəbər lenti