Bakı. Ənvər Məmmədov - Trend:
Bu gün Bakıda Milli Gimnastika Arenasında batut gimnastikası, ikili mini-batut və tamblinq üzrə Avropa çempionatının sonuncu gününün komanda çıxışları üzrə oğlanlar və qızlar arasında batut üzrə fərdi yarışların, kişilər və qadınlar arasında ikili mini-batut üzrə yarışların, və tamblinq üzrə kişilər arasında yarışların mükafatlandırma mərasimi keçirilib.
Qızlar arasında batut üzrə fərdi yarışların qalibi və gümüş medalçısı Belarus təmsilçiləri Katerina Yerşova və Anastasiya Stolyarova olublar. Bürünc medalı isə yunan Anastasiya Papadmitriu qazanıb.
Oğlanlar arasında batut üzrə fərdi yarışların qalibi həmçinin Belarus nümayəndəsi İvan Litvinoviç olub. Gümüş medalı Böyük Britaniyalı Kori Volksu, bürünc medalı isə Böyük Britaniyalı Endryu Stampu qazanıblar.
İkili mini-batut üzrə yarışların ilk üç pilləsini Kirsti Vey (Böyük Britaniya), Polina Troyanova (Rusiya) və Lina Syeberq (İsveç) tutub.
Tamblinq üzrə yarışların qalibi Azərbaycanı təmsil edən Mixail Malkin olub. İkinci yerdə Danimarkanı təmsil edən Rasmus Steffensen, üçüncü yerdə isə Rusiyanı təmsil edən Vadim Afanasyev qərarlaşıblar.
Trend-in ən mühüm və maraqlı xəbərlərini "Telegram"da izləyin
.jpg)
