...

Baş nazirin müavini ölkəyə saxta dərman gətirilməsinə qarşı tədbirlər barədə: Yeni sistem yaradılır

Cəmiyyət Materials 14 İyun 2018 13:45 (UTC +04:00)
Elə bir sistem yaradılmağa çalışılır ki, saxta dərmanların Azərbaycana gətirilməsinin qarşısı alınsın
Baş nazirin müavini ölkəyə saxta dərman gətirilməsinə qarşı tədbirlər barədə: Yeni sistem yaradılır

Bakı. Elçin Mehdiyev - Trend:

"Elə bir sistem yaradılmağa çalışılır ki, saxta dərmanların Azərbaycana gətirilməsinin qarşısı alınsın".

Trend-in məlumatına görə, bunu jurnalistlərə açıqlamasında Baş nazirin müavini Əli Əhmədov bildirib.

Ə.Əhmədov bildirib ki, Nazirlər Kabinetində bununla bağlı toplantı keçirilib, müvafiq qurumlar dəvət olunub:

“Ciddi araşdırmalar aparılıb. Həmçinin işçi qrupu yaradılıb ki, ölkəyə saxta dərman gətirilməsinin qarşısının alınması üçün təkliflər versin. Bu, bütün dünyada problemdir, ancaq biz çalışacağıq ki, ölkəyə saxta dərman gətirilməsi səviyyəsi ciddi şəkildə aşağıya salınsın və insanlarımız bundan ciddi əziyyət çəkməsinlər".

Məqalədə:
Xəbər lenti

Xəbər lenti