Bakı. Samir Əli - Trend:
Müdafiə Sənayesi Nazirliyi avtomatik top odlu silahı istehsal edib.
Trend-in məlumatına görə, silah avtomatik tezlikdə 500-dən az olmayaraq, yavaş templə isə 300 mərmi atır. 30 millimetrlik avtomatik top "AT30" adlandırılıb.
Silahın çəkisi 115 kiloqram, təpmə qüvvəsi 40-50 kq/gücdür. Topun uzunluğu 3027 millimetrdir.
Silah ilk dəfə olaraq "ADEX-2018" 3-cü Azərbaycan Beynəlxalq Müdafiə Sərgisinə çıxarılıb.
