Bakı. Cani babayeva - Trend:
Bakıda akrobatika gimnastikası üzrə Dünya Kuboku çox yüksək səviyyədə təşkil olunub.
Bunu Trend-ə Qazaxıstan idmançısı Daniel Dil deyib.
O qeyd edib: "Biz kişi cütlüklərin yarışını açdıq, buna görə də bir qədər həyəcanlı oldu".
Gimnastın sözlərinə görə, bu, onun Bakıya ilk səfəridir və turnirin belə yüksək səviyyədə keçiriləcəyini gözləmirdi:
"Akrobatika gimnastikası üzrə Dünya Kubokunun Bakıda belə böyük arenada keçiriləcəyini gözləmirdim. Arena çox rahat və gözəldir. Bizim üçün burada hər cür şərait yaradılıb".
Qeyd edək ki, Bakıda ilk dəfə olaraq akrobatika gimnastikası üzrə Dünya Kuboku keçirilir. Milli Gimnastika Arenasında iki gün davam edəcək yarışlarda 2003-cü il təvəllüdlü və daha böyük gimnastlar kişi cütlüyü, qadın cütlüyü, qarışıq cütlük, qadın qrupu və kişi qrupu tərkibində mübarizə aparırlar.