...

Azərbaycan Universiteti beynəlxalq təhsil sərgisinin iştirakçısıdır

Cəmiyyət Materials 8 Oktyabr 2019 10:30 (UTC +04:00)
Oktyabrın 10-dan 12-dək Bakı Ekspo Mərkəzində keçiriləcək XIII Azərbaycan Beynəlxalq Təhsil sərgisi “EduExpo”nun iştirakçısı olan Azərbaycan Universitetində sərgi ilə bağlı hazırlıq işləri davam edir.
Azərbaycan Universiteti beynəlxalq təhsil sərgisinin iştirakçısıdır

Bakı. Trend:

Oktyabrın 10-dan 12-dək Bakı Ekspo Mərkəzində keçiriləcək XIII Azərbaycan Beynəlxalq Təhsil sərgisi “EduExpo”nun iştirakçısı olan Azərbaycan Universitetində sərgi ilə bağlı hazırlıq işləri davam edir. Beynəlxalq təhsil sərgisində ardıcıl olaraq ikinci ildir ki, iştirak edən Azərbaycan Universiteti E1122 saylı stenddə təmsil olunacaq. Sərgi Azərbaycan Respublikasının Təhsil Nazirliyi tərəfindən dəstəklənir.

Azərbaycan Universiteti sərgidə “MiniLab” ilə iştirak edəcək. İnformasiya-kommunikasiya texnologiyaları fakültəsinin tələbələri 3 gün ərzində laboratoriya işləri yerinə yetirəcək və sərginin yekununda işlərini nümayiş etdirəcəklər.

Bundan əlavə stendin ziyarətçiləri Azərbaycan Universitetində tədris olunan ixtisaslar, tələbələr üçün yaradılan imkanlar, universitetin beynəlxalq əlaqələri və qoşulduğu tələbə mübadilə proqramları, maddi-texniki bazası, elmi fəaliyyəti və uğurları, akademik heyəti haqqında məlumat ala biləcək, onları maraqlandıran suallarla universitet əməkdaşlarına müraciət edə biləcəklər.

Stenddə professor-müəllim heyətinin kitab, monoqrafiya və dərs vəsaitləri, İnformasiya-kommunikasiya texnologiyaları fakültəsinin tələbələrinin hazırladıqları robot və elektronika cihazları da nümayiş olunacaq.

Qeyd edək ki, Azərbaycan Beynəlxalq Təhsil Sərgisi ölkədə təhsil sahəsində ən mühüm tədbirdir, peşəkar ünsiyyət və təhsil layihələrinin həyata keçirilməsi üçün səmərəli platformadır. Sərgi 2018-ci ildə dünyanın 12 ölkəsindən 135 şirkəti qəbul edib, 12 minə yaxın ziyarətçi ekspozisiya ilə tanış olub.

Məqalədə:
Xəbər lenti

Xəbər lenti