Bakı. İlhamə İsabalayeva - Trend:
Mən artıq sağalmaq üzrəyəm və heç şübhəsiz ki, bu, həkimlərimizin, tibb işçilərimizin zəhmətinin nəticəsidir.
Trend-in məlumatına görə, bunu COVİD-19-a yoluxmuş Milli Məclisin deputatı Sahib Alıyev deyib.
S.Alıyev həkimlərə fədakarlıqlarına görə minnətdarlığını da bildirib:
"Geyimlərindən yadplanetlilərə bənzəyən bu insanlar davranışları ilə doğmadan da doğmaplanetlilərdirlər. Təsəvvür edin ki, yayın bu istisində əyinlərində skafandrabənzər geyimlə 8 saat müddətində yemək yeməmək bir yana, bir damla belə su içmədən ağzınadək xəstələrlə dolu olan klinikada hər kəsin qayğısına qalmaq, hər bir xəstə ilə mehriban davranmaq sadəcə peşəkarlığa yox, həm də insanlığa bağlı məsələdir. Bu fədakarlıqdır!"