Bakı. Samir Əli - Trend:
Gəncədəki Rus Pravoslav kilsəsində Ermənistan ordusunun oktyabrın 11-də törətdiyi terror aktı nəticəsində həlak olmuş dinc sakinlərin anım mərasimi keçirilir.
Trend-in məlumatına görə, mərasimdə həlak olanların ruhuna dualar oxunub. Azərbaycan Ordusuna qalibiyyət arzulanıb.
Qeyd edək ki, oktyabrın 11-də Ermənistan ordusu Gəncə şəhərinin mərkəzində çoxmənzilli yaşayış binalarını raket atəşinə tutub. Nəticədə 10 dinc sakin həlak olub, 30-dan artıq şəxs yaralanıb.
Gəncənin raket atəşinə tutulması nəticəsində Rus Pravoslav kilsəsinə də ziyan dəyib.
