Bakı. Trend:
Şahzadə Diananın uşaq vaxtı ailə malikanasında sürdüyü velosiped "East Bristol" auksionunda hərraca çıxarılıb.
Trend-in məlumatına görə, velosiped ilkin olaraq 20-30 min funt sterlinq (27,7-41,6 min dollar) dəyərində qiymətləndirilib.
"Tracker" adlanan qırmızı iki təkərli velosiped gələcək Şahzadəyə uşaq ikən atası Con Spenser tərəfindən bağışlanılıb - 1970-ci illərdə Diana onu Nortqemptonşir qraflığında Spenserlərin ailə malikanasında sürüb.
Velosipedin oturacaq, təkərlər, xrom hissələri və bütün orijinal xüsusiyyətlərinin qorunaraq əla vəziyyətdə olduğu bildirilir.
Cari ilin iyun ayında Şahzadə Diananın "Ford Escort" avtomobili İngiltərədəki xərracda 52,6 min funt sterlinqə (73 min dollardan çox), gözləniləndən daha baha qiymətə satılıb. Avtomobil Cənubi Amerika ölkələrindən birinin muzei tərəfindən alınıb.