...

Xalq artisti Ənvər Həsənov Xəzər Tibb Mərkəzində stasionar müalicəyə qəbul edilib - TƏBİB

Cəmiyyət Materials 30 Avqust 2022 21:40 (UTC +04:00)
Xalq artisti Ənvər Həsənov Xəzər Tibb Mərkəzində stasionar müalicəyə qəbul edilib - TƏBİB

Bakı. Trend:

Xalq artisti Ənvər Həsənov 28.08.2022-ci il tarixində bronxopnevmaniya diaqnozu ilə Xəzər Tibb Mərkəzində stasionar müalicəyə qəbul edilib.

Trend xəbər verir ki, xalq artistinə mümkün ilkin müayinələr göstərilib və nəzarətə götürülüb. Eyni zamanda, müayinələrin növbəti gedişatının müəyyən edilməsi məqsədilə “Yeni Klinika” tibb müəssisəsində döş qəfəsinin kompüter tomoqrafiyası edilməsi planlaşdırılıb. Ə.Həsənovun özəl xəstəxanalardan birinə köçürülməsi üçün ondan COVID-19-la bağlı test götürülüb və nəticəsinə uyğun olaraq qərar veriləcək.
Qeyd edək ki, xalq artisti həmçinin uzun illərdir şəkər xəstəliyindən əziyyət çəkir.

Bildirək ki, sosial şəbəkədə yayılan Ə.Həsənovun daxili qanaxmasının olması xəbəri həqiqəti əks etdirmir.

Məqalədə:
Xəbər lenti

Xəbər lenti