Bakı. Trend:
Bakıda tıxacla əlaqədar işə gecikən insanlarla bağlı qanunvericilikdə istisnalar edilməsi məqsədəuyğundur.
Trend-in məlumatına görə, bunu deputat Fazil Mustafa parlamentin bu gün keçirilən iclasında deyib.
O qeyd edib ki, Bakıda tıxac böyük bir problemə çevrilib.
“Xüsusilə, Bakının ətraf bölgələrindən gələnlər üçün ciddi tıxac problemi var. Bu baxımdan, tıxaca görə bir saat işə gecikmə məsələsi hansısa bir formada qanunvericilikdə əks olunsun. Yəni 1 saat gecikməyə görə vətəndaşa istər dövlət, istərsə də özəl müəssisələrdə problem yaradılmasın”, - deyə deputat əlavə edib.