Bakı. Trend:
Hazırda 17 min hektar kənd təsərrüfatı təyinatlı torpaq sahəsi ev altındadır, tikinti altındadı. Amma faktiki olaraq bizdə bu torpaqlara aid səmərəlilik tələb edilir.
Trend-in məlumatına görə, bunu Milli Məclisin Aqrar siyasət komitəsinin bu gün keçirilən iclasında Kənd Təsərrfüatı Nazirliyinin Torpaqlardan İstifadə şöbəsinin müdiri Firidun Tağıyev deyib.
O qeyd edib ki, bu problem bələdiyyələrdən və icra hakimiyyətlərindən qaynaqlanır. “Bələdiyyələrin torpaqlar üzərində sərəncam vermək səlahiyyəti dayandırılıb, lakin icra hakimiyyətləri hələ də torpaqlarda tikinti aparmağa sərəncam verir”, - deyə o qeyd edib.
Nazirlik rəsmisi bildirib ki, bu məsələyə aydınlıq gətirilməlidir. “Ya bu torpaqlar əfv olunmalıdır, ya necəsə bununla bağlı məsələyə aydınlıq gətirilməlidir”, - deyə o qeyd edib.