Bakı. Trend:
Bakı Beynəlxalq Avtovağzalı Kompleksi (BBAK) Azərbaycanda müşahidə edilən qarlı hava şəraitində bölgələrə sərnişinlərin çatdırılmasını normal qaydada yerinə yetirir.
Bu barədə Trend-in sorğusuna cavab olaraq Azərbaycan Yerüstü Nəqliyyat Agentliyindən (AYNA) bildirilib.
Qeyd olunub ki, ölkə ərazisində müşahidə edilən qarlı hava şəraiti ilə əlaqədar Bakı Beynəlxalq Avtovağzal Kompleksindən rayon və şəhərlər istiqamətində hərəkət edən avtobusların qrafikində heç bir dəyişiklik yoxdur.
"Avtobuslar həmişəki qrafiklə hərəkət edir", - deyə məlumatda qeyd olunub.