Bakı. Trend:
Birləşmiş Millətlər Təşkilatının Təhsil, Elm və Mədəniyyət Təşkilatı (UNESCO) Yaponiyanın dəstəyi ilə mədəniyyət və təhsilin inkişafı üçün Ukraynaya 14,6 milyon dollar ayıracaq.
Trend-in məlumatına görə, bu barədə UNESCO-nun saytında məlumat verilib.
"Bu gün UNESCO-nun baş direktoru Odri Azule və Yaponiyanın UNESCO yanında daimi nümayəndəsi Takehiro Kano Ukraynaya dəstək məqsədilə 14,6 milyon dollarlıq maliyyə sazişi imzalayıblar", - deyə bildirilib.
Qeyd olunub ki, bu vəsaitlər “Ukraynada mədəniyyət, təhsil və medianı canlandırmaq” üçün nəzərdə tutulub. "Təşkilat mədəni irsə dəyən zərərin monitorinqini və qiymətləndirilməsini də gücləndirəcək", - deyə qeyd olunub.