Bakı. Trend:
2025-ci ilin iyun ayında Dövlət Miqrasiya Xidmətinə (DMX) əcnəbilərin və vətəndaşlığı olmayan şəxslərin Azərbaycan Respublikasında olduğu yer üzrə qeydiyyata alınması ilə bağlı 41 328 müraciət daxil olub.
Trend-in DMX-nin rəsmi saytından əldə etdiyi məlumata görə, 2024-cü iyun ayında bu göstərici 45 639-a bərabər olub.
2025-ci ilin yanvar-iyun aylarında DMX-yə eyni məzmunlu 150 548 müraciət daxil olub. 2024-cü ilin eyni dövründə bu göstərici 164 503-ə bərabər olub.
2025-ci ilin birinci rübündə (56 831) 2024-cü ilin eyni dövrü ilə müqayisədə müraciət sayı azalıb (63 833).
2024-cü ildə isə ümumilikdə əcnəbilərin və vətəndaşlığı olmayan şəxslərin 378 307 müraciəti qeydə alınıb.
2024 və 2025-ci illərin ilk altı ayında isə statistik göstəricilər aşağıdakı kimi olub:
| Yanvar | Fevral | Mart | Aprel | May | İyun | |
| 2024-cü il | 22280 | 19155 | 22398 | 23847 | 31184 | 45639 |
| 2025-ci il | 21102 | 17068 | 18661 | 24067 | 28322 | 41328 |
Cədvəldən də göründüyü kimi, 2025-ci ilin fevralından etibarən müraciət sayında artım tempi müşahidə olunub.