Bakı. Trend:
Gözəl şəhərlərin də başına fəlakətlər gələ bilir. Bildiyiniz kimi, Kahramanmaraş zəlzələsində biz texniki baxımdan xeyli çətinliklər yaşadıq. Dünyanın bir çox yerindən bizə yardımlar gəlməyə başladı. Amma bu yardımların çatdırılması bəzən bir-iki ay çəkirdi.
Trend xəbər verir ki, bu sözləri Türkiyənin məşhur müğənnisi Haluk Levent Birləşmiş Millətlər Təşkilatının (BMT) Ümumdünya Şəhərsalma Forumunun 13-cü Sessiyası çərçivəsində Assambleyaların birgə bağlanış sessiyasında deyib.
Onun sözlərinə görə, birgə təşəbbüslərdən sonra artıq dünyadakı bütün dərnəklər bir-birinə daha sürətli yardım edə bilmək üçün təşəbbüslər göstərir:
"Bu gün siyasi çıxış etməyəcəyimə dair BMT-yə söz vermişəm. Mən siyasi deyil, daha çox ictimai və humanitar bir yanaşmadan çıxış edirəm".
