Azərbaycan təhsil nazirliyinin rəhbərliyi yaxın vaxtlarda hökumətin müvafiq strukturları qarşısında Bakının yeni salınan yaşayış massivlərində məktəblərin çatışmaması ilə bağlı məsələ qaldıracaq. Nazirliyin ötən müşavirəsində bu barədə qərar qəbul edilib.Bu barədə Trend agentliyinə idarədə bildirilib.
İclasda qeyd edilib ki, məktəblərin tikintisinə daha çox tələbat paytaxtın Abşeron və Binəqədi rayonlarında müşahidə olunur. Yeni salına yaşayış massivlərində isə məktəblərin tikintisi bir çox hallarda qətiyyən nəzərdə tutulmur, bu isə uşaqların və yeniyetmələrin təhsil alması üçün problem yaradır.
İclasda nazirliyin rayon şöbələrinin müvafiq idarə rəhbərlərinə 3-4 növbədə tədris aparılan məktəblərin ərazilərində yeni məktəblərin tikintisi üzrə öz təkliflərini hazırlaması üçün tapşırıqlar verilib.
