Oktyabrın 1-də Bakıda Azərbaycanın daxili turizm sərgisi keçiriləcək. Gənclər, İdman və Turizm Nazirliyinin turizm üzrə baş idarəsinin rəis müavini Xanoğlan Güləliyevin Trend ə verdiyi məlumata görə, sərgi beynəlxalq Turizm günü ilə eyni vaxatda keçiriləcək.
Bakı biznes mərkəzində keçiriləcək sərginin təşkilatçıları Azərbaycan Gənclər, İdman və Turizm Nazirliyidir. Sərgidə 50 -dən çox yerli turizm şirkətləri, bu sahədə fəaliyyət göstərən otellər, mehmanxanalar iştirak edəcək. Bu şirkətlər sərgi iştirakçılarına öz iş imkanlarını təqdim edəcək.
