Naxçıvan Muxtar Respublikasının Bakı nümayəndəliyi respublikada "quş qripi"nin yayılması ilə bağlı məlumatı təkzib edir. Bu barədə Trend ə nümayəndəliyin rəhbəri Rəşad Qulamov bildirib.
Bundan əvvəl Azərbaycan Ornitoloqlar Cəmiyyətinin sədri Elçin Sultanovun Trend ə verdiyi məlumata görə isə, NMR ərazisində "quş qripi" yayıla bilər və artıq ərazidə 200 ördəyin qırılması faktı qeydə alınıb.
R.Quliyevin sözlərinə görə, belə fakt var, lakin 4-5 km-lik ərazidə az sayda quşun qırılması "quş qripi" virusunun yayılması demək deyil.
"Baytarlıq xidməti tərəfindən ölmüş quşların analizləri zamanı bu xəstəliyin heç bir əlaməti müşahidə olunmyıb", - deyə nümayəndəliyin rəhbəri qeyd edib.
R.Qulamov onu da əlavə edib ki, quşların qırılması ilə bağlı 2 versiya mövcuddur - keyfiyyətsiz yemdən zəhərlənmə və infeksiya xəstəliyi.
"Ekologiya Nazirliyi, sanitar-karantin müfəttişliyi və baytarlıq xidməti respublikada bu xəstəliyin yayılmasına qarşı müvafiq təbdirlər görür", - deyə R.Qulamov sonda bildirib.