Oktyabrın 28-də günün birinci yarısında Azərbaycan Respublikası Apellyasiya Məhkəməsində keçmiş səhiyyə naziri, hazırda həbsdə olan Əli İnsanovun şikayət ərizəsinə baxılacaq. Trend in məlumatına görə, prosesə hakim Mirzə Tağızadə sədrlik edəcək.
MTH təcridxanasında saxlanılan Əli İnsanov Həsimi rayon Məhkəməsi tərəfindən barəsində 3 aylıq həbs-qətimkan tədbirinin seçilməsi ilə bağlı çıxarılmış qərardan apellyasiya şikayəti verib. Hazir apellyasiya instansiyasına müraciətində ona qarşı irəli sürülmüş ittihamlarla razılaşmadığını göstərib.
Qeyd edək ki, eks-nazir barəsində Azərbaycan Respublikası Cinayət Məcəlləsinin 179.2, 308.2, 311.3.1, 220.1 və 278-ci maddələri ilə cinayət işi başlanıb. O, qulluq mövqeyindən sui-istifadə etməkdə, kütləvi iğtişaşlara hazırlıqda, hakimiyyəti zorla ələ keçirməyə cəhddə və külli miqdarda dövlət əmlakını mənimsəməkdə təqsirləndirilir.
Ə.İnsanov Apellyasiya Məhkəməsinə təqdim etdiyi ərizəsində isə barəsindəki ittihamların saxta olduğunu göstərib və məhkəmədən həbs-qətimkan tədbirinin ləğv edilməsini tələb edib.