2006-2016-cı illərdə Azərbaycanda turizmin inkişafı perspektivləri strategiyası hazırlanır. Trend in məlumatına görə, bu barədə jurnalistlərə Azərbaycanın mədəniyyət və turizm naziri Əbülfəz Qarayev məlumat verib.
Yeni strategiya Azərbaycanın bütün regionlarını əhatə edir. Nazir bildirib ki, artıq 8 rayon üzrə proqram hazırlanıb. Bu strategiyanın reallaşdırılması Azərbaycana gələn turistlərin sayını artırmağa imkan verir.
Nazirin verdiyi məlumata görə, statistika üzrə 2005-ci ildə Azərbaycana gələn tursitlərin sayı 3-4% azalıb. Onun sözlərinə görə, belə azalma dünaynın bir çox ölkələrində hiss olunub ki, bu da dünyada baş verən bir sıra qlobal hadisələrlə əlaqədardır. Ümumilikdə, ötən il Azərbaycana 800 minə yaxın turist gəlib.
Nazirliyin planlarından danışarkən, Ə.Qarayev bildirib ki, yaxın vaxtlarda dünyanın bir sıra ölkələrində biznes-forumların keçirilməsi planlaşdırılıb.
