Azərbaycan qrossmeysteri Üzeyir Abdullayev Sankt-Peterburqda keçirilən beynəlxalq "Bəyaz gecələr" turnirində iştirak edir.
Trend in xəbər verdiyi kimi, yarışda on ölkədən, o cümlədən Rusiya, Niderland, İsrail, Macarıstan, Belorusiya, Özbəkistan, Monqolustan, Konqo və Burkina-Fasodan səksən beş idmançı çıxış edir. Start proqramına beş yarış daxildir. Ü.Abdullayev Open-turnirdə İsveç sistemi ilə doqquz mərhələ üzrə keçirilən klassik rus damaları üzrə öz gücünü sınayacaq.
Azərbaycan ustası ilə yanaşı, startın favoritləri Rusiyanı təmsil edən yüzxanalı dama üzrə dünya çempionu Aleksandr Georgiyev, Anton Smirnov, Sergey Poylov və Şamil Yusupov hesab ounur.