Trend məlumat verir ki, noyabrın 30-da Avropa Birliyinin Azərbaycanla bağlı bəyanatı elan edilib. Bəyanatda deyilir ki, Avropa Birliyi ATƏT-in mətbuat azadlığı üzrə nümayəndəsi Mikloş Haraştinin bu yaxınlarda ANS kanalının bağlanması, eyni zamanda, "Azadlıq", "Bizim Yol" qəzetlərinin redaksiyalarının, "Turan" İA-nin, "Yeni nəsil" nəşriyyat evinin köçürülməsi ilə bağlı narahatçılığı paylaşır.
"Ümumiyyətlə Avropa Birliyi "Monitor" jurnalının redaktoru Elmar Hüseynovun qətlindən sonra mətbuat azadlığı sahəsində vəziyyətin gələcək pisləşməsindən narahat olduğunu bildirir. AB M.Haraştini mətbuat azadlığı ətrafındakı vəziyyətin inkişafı üzrə monitorinqi davam etdirməyə çağırır və yaxın vaxtlarda ölkəyə baş çəkməyi məsləhət görür. Biz ümid edirik ki, bu, ona öz narahatçılığını yüksək səviyyədə ifadə etməyə imkan verəcək". Bu haqda sənəddə qeyd olunub.
