ABŞ-da yaradılmış Amerika-Azərbaycan Tədiqatar İnstitutu artıq rəsmi dövlət qeydiyyatlı bir qurumdur. Bu barədə Trend ə İnstitutunun rəhbəri Vüral Çingiz məlumat verib.
Xatırladaq ki, Vüral Çingiz ABŞ-da Amerika-Azərbaycan Tədiqatar İnstitutu yaradılması ilə əlaqədar bir neçə gün əvvəl Bakıya səfər etmişdi.
V.Çingiz bildirib ki, İnstitutun ofisi üçün artıq Vaşinqtonda yer kirayələnib. Onun sözlərinə görə, İnstitutun özünə məxsus nəşriyyatı olacaq, bildirişlər çap edilib yayılacaq. Qurum həm də müxtəlif layihələr hazırlayacaq: "Biz üç ayda, yaxud altı ayda bir dəfə olaraq dərgi də çıxara bilərik. İnstitutumuzda könüllü şəkildə bizə qoşulan insanlar və amerikalı professorlar çalışacaq. Biz həm də digər assosisasiyalara işlərində yardım edəcəyik. Səfirliklər, diplomatik nümayəndəliklər öz dövlətlərini, xalqlarını rəsmi şəkildə təmsil edirlər. Bizim kimi qurumlar isə elm, araşdırma sahəsini təmsil edir".
İnstitutun gəlir mənbələrinə də toxunan V.Çingizin sözlərinə görə, qurumn əsasən öz üzvlərinin hesabına maliyyələşəcək.