...

Ədliyyə naziri yanında Penitensiar Sistemə Nəzarət üzrə İctimai Komitənin üzvləri Qobustan həbsxanasında olublar

Cəmiyyət Materials 14 Dekabr 2006 16:11

Trend-i buradan izləyin

Dekabrın 14-də Ədliyyə naziri yanında yaradılmış Penitensiar Sistemə Nəzarət üzrə İctimai Komitənin (İK) işçi qrpunun üzvləri Qobustan həbsxanasında olublar. Bu barədə Trend ə hüquq müdafiəçisi Çingiz Qənizadə məlumat verib.

Ç. Qənizadənin sözlərinə görə, İşçi Qrupunun üzvləri Qapalı Həbsxanaya orada cəza çəkən bir neçə məhkumun İK-yə müraciəti əsasında baş çəkiblər və müraciət etmiş məhkumlarla görüşüblər.

"Həmin məhkumların əsas şikayəti ömürlük həbs cəzalarının 15 illik həbslə əvəzlənməsi ilə bağlı etdikləri şikayətlərə baxılmamasına dairdir. Biz bununla bağlı məhkumlardan geniş məlumatlar aldıq və Komitənin növbəti iclasında bu məsələni müzakirəyə çıxaracağıq" - deyə Ç.Qənizadə bildirib.

Hüquq müdafiəçisi onu da qeyd edib ki, İşçi Qrupuna daxil olmuş digər müraciətləri də araşdırmaq məqsədi ilə dekabrın 16-da 2 saylı Cəzaçəkmə Müəssisəsinə getməyi planlaşdırıblar.

Xəbər lenti

Xəbər lenti