Azərbaycanda yetkinlik yaşına çatmayan məhkumlar üçün xüsusi müəssisənin yaradılmasına ehtiyac yoxdur. Bu barədə Trend ə Ədliyyə Nazirliyi Məhkəmə Qərarlarının İcrası Baş İdarəsinin (MQİBİ) qərargah rəisi Musa Hümbətov məlumat verib.
M.Hümbətov bildirib ki, hazırda MQİBİ-nin nəzdindəki tərbiyə müəssisəsi azyaşlı məhkumların sayına görə kifayət edir və ikinci müəssisənin yaradılmasına ehtiyac yoxdur. "Azərbayanda 50 azyaşlı məhkum var. Onların arasında təkrar məhkum edilən yoxdur. Qanuna görə, təkrar məhkum edilmiş azyaşlı digər azyaşlı məhkumlarla bir yerdə saxlanıla bilməz. Əgər gələcəkdə belə bir məhkum olarsa, həmin məhkum da tərbiyə müəssisəsinə yerləşdiriləcək. Sadəcə olaraq müəssisədəki digər məhkumlardan təcrid olunacaq. Bir-iki məhkumdan ötrü ayrıca müəssisə yaratmağa ehtiyac görmürük" - deyə qərargah rəisi vurğulayıb.
